Custom Search

السبت، 17 سبتمبر 2011

حكم التعامل مع شركات التسويق الهرمي مثل Qnet & GMI

http://www.youtube.com/watch?v=ZwbxMMTf2LU
مرسلة بواسطة في ليست هناك تعليقات:

QNet حقائق ومعلومات عن شركة كويست

قبل عدة أيام إتصل بي قريب لي وأخبرني أن صاحبه طلب منه الحضور لعقد صفقة تجارية. في البداية أسعدني الخبر وأخبرت قريبي أن يبلغني بالتفاصيل فقد أستطيع خدمته في الموضوع. بعد عدة أيام تحدثت مع قريبي وأخبرني أن المشروع هو منتج تشتريه ثم تدخل في شبكة تسويقية وتسوق له وتحصل على عمولة أسبوعية مغرية تبدأ ٢٥٠ دولار أسبوعياً على شكل شيكات.

عندما قال لي هذه الجملة الأخيرة، عرفت مباشرة أنها من شركات التسويق الهرمي أو الشبكي أو الشجري . ثم أردف قريبي قائلاً أنه إشترى أرخص منتج للإشتراك وهو عبارة عن قلادة صحية سحرية تتمص الإشعاعات وتساعد على العلاج الطبي بقيمة ٢٣٠٠ ريال سعودي. تفاجأت جداً بهذا المبلغ. وطلبت من قريبي أن يحاول أن يسترد نقوده قبل أن تتم البيعة فيما أبحث عن الموضوع.

الكثير لم تنطلي عليه الخدعة فهم يتذكرون بزناس دوت كوم وهبة الجزيرة ولذا قال لي البعض بالحرف الواحد ” يالله..رجعت! بدري لسة ماجاء جيل جديد” ويقصد أن الكثير يتذكرون ضحايا الشركات الشبيه بهذه الشركة. ولا أستبعد أن تكون هذه الشركة من مثيلاتها ولذا أحاول جمع الأدلة والتفاصيل المثبتة. هذه الشركة قد يكون أسلوبها أخف من السابقات لكنها في النهاية لاتخلوا من الغرر والتلاعب بعواطف الناس للإيقاع بهم.

أحزنني أن يتم التلاعب بمشاعر الناس وأموالهم وأحببت أن أحلل وأبحث في الموضوع وسأنظر إلى الجوانب السلبية كونها هي المغزى وأنبه الجميع من مثل هذه الإحتيالات. مع ملاحظة أن الموضوع مازال قيد البحث والتحري ولكن لأهميته بادرت في نشره. وقد يرغب البعض بالإضافة للموضوع.

الموضوع ينقسم إلى 3 محاور:

١. شرعيته وحكمه الشرعي:
في بداية كل إستثمار من المهم أن يبحث في شرعيته قبل التعامل مع الشركة المعنية(فما نبت من حرام فالنار أولى به). بحثت مبدأيا في قوقل، فخرجت لي الكثير من النتائج المكررة لنفس الكلام والردود والأسماء والتعليقات في المنتديات وغيرها. لم أبالي بها فلا أعتبرها مصدر موثوق بتاتا كما سأوضح نتائج البحث في النقاط القادمة. ولا أفهم لماذا يصدق البعض مايكتب في المنتديات على الرغم من أنه تحت أسماء مستعارة وغير موثقة.
وجدت إسم شخص (سالم الجمعان) ويدعون ويدعي أنه “شيخ ومهندس” ويكتب أو يكتب عنه في تفسير المصطلحات الربوية والبيع والشراء ويفتي في أحلية طبيعة عمل الشركة ويدعي أن المشائخ والباحثين يخلطون في الموضوع. ويدعون أنه من مؤسسي الشركة تحت إسم (مجموعة طموح الصقور للتسويق الشبكي) والتي إنتهي عقد موقعها وأصبح معروضا للبيع. لم أبال أبداً بأي كلام ينسب له فهو غير معروف كأحد معالم الإفتاء في الدين. المضحك عندما رأيت مواضيعاُ في منتديات سواء كتبها هو أو من مسوقي الشركة ويقول ” أنا الشيخ المهندس” ( من هنا غسلت يدي فأين هذا الشخص أو المسوقين من الآية” ولاتزكوا أنفسكم هو أعلم بمن إتقى”). ستجدون له فيديو يظهر فيه على قناة الإقتصادية يسوق للمنتجات الشركة ويبرر المسميات. بناء على موقعه فهو خريج كلية زراعة كمهندس زراعي متخرج من جامعة الملك سعود بالرياض ماجستير بساتين (زراعة) ويعمل كمسؤول تشجير وتجميل المدن الصناعية بالهيئة السعودية للمدن الصناعية ومناطق التقنية ويدرس حالياً بأستراليا. أيضاً له مشاركات في التمثيل في معهد لغة فهنا تجدون له مقابلة للمشاركة في تمثيل فلم قصير.

الشركة وشبكتها التسويقية تدعي أن كثير من المشائخ أفتوا بحلها ويكررون”يا ناس رجاء لاتخلطون وتشوهون سمعة الشركة” و” المشائخ والعلماء والباحثين مايفهون الفرق” وإذا بحثت عن الفتاوي التي تحللها فلا تجدها. بل ينسخون فتاوى ويزورنها ويكذبون كما ذكر في موقع الإسلام اليوم بأنهم زوروا فتوى للشيخ بن باز. أيضاً يملؤن مواقعهم بفتاوي للشيعة ووجدت أن الشيعة أيضا أحضروا فتوى من السستاني بأن أعمالهم لاترخص!. وتم منعها لدى الشيعة بل وشددوا أكثر في الموضوع وحذروا من الشركة ذاتها وبإسمها.

الإشكال الشرعي يكمن في نقطتين:
١. شراء المنتج للدخول في الشبكة والحصول على العمولة وليس شراء المنتج للمنتج ذاته. (قمار وسمسرة -)
٢. التغرير بوعود الحصول على أموال باهضة عن الإشتراك والتي قد يحصل عليها وقد لايحصل . (بيع الغرر)
مايكتبه المسوقين هو محاولة لخلط الفهم بأن الشركة لها بنود الخ. لكنها ببساطة محاولات للتلبيس كما يبدوا. إقرؤا الفتاوي التالية كاملة وخصوصا ماكتبه الشيخ الباحث المالي سامي السويلم و الدكتور عبدالعزيز عرب والمنشورة في موقع الإسلام اليوم.

فتاوي عن كويست نت في موقع الإسلام اليوم:
فتاوي متفرقة:
الروابط أعلاه بها فتاوي وتعليلات وتفسيرات عن حكم وأسباب تحريم هذا النمط من التجارة.



٢. الوضع القانوني:
Pyramid schemes are illegal in many countries, including the United States,[1] Great Britain, Australia and New Zealand. [2] These types of schemes have existed for at least a century.

وترجمتها كالتالي:
والعمليات الهرمية غير مشروعة في كثير من الدول كأمريكا وبريطانيا وأستراليا ونيوزلندا. هذه العمليات كانت موجودة عن مايقل عن قرن من الزمان


٣. صلاحية ألية عملها و نظامها التجاري:
  • آلية عمل الشركة هي في أنها تستخدم منتجات كوسيلة مرئية Physical Evidence لتكوين الشبكة. فيتوجب عليك شراء منتج غالي الثمن تبدأ من ٢٣٠٠ ريال (لايسوي ١٠٪ من تكلفته توقعا) لمنتجات غير موجودة في السوق (وتشمل ١٠ دولار رسوم تأسيس الحساب) حتى تؤسس حساب لديهم وتبدأ بالبحث عن طريقة لتعويض خسارتك في المنتج بجلب زبائن تحتك حتى ترسل لك الشركة شيكات عمولة. وتبدأ الشبكة تنتشر بنفس المعضلة والبحث عن زبائن لتعويضهم عن قيمة المنتج. الشركة تربح عن طريق بيع المنتج بكثرة عن طريق توريط العميل حتى يورط غيره ويورط المتورط غيره إلى مالانهاية. تصرف الشركة شيكات على البعض حتى نتطلي الحيلة على الناس. كما كتب موقع صيد الفوائد في ملف خاص آلية النظام وكيفية حساب العمولات بالتفصيل.

التسويق الشبكي ومراحلة


  • إنتشار التسويق الفيروسي في الأنترنت عن طريق القص واللصق في المنتديات بالكلام المغرر والفتاوى المكذوبة والفيديوهات الحالمة والعاطفية المليئة بعالم وردي المليئة بصور المجموعات بغض النظر عن إذا كانت الصور حقيقة أما لا. سترى الكلام هذا المنتشر في الأنترنت تماما كما في مثل هذا الرابط.
  • المشتركين في الشبكة قد يعوضون خسارتهم خصوصاُ من يترأس شجرة كبيرة (بغض النظر عن تحريمة)، ويخسر الكثير ممن في الشبكة ولايعوض خسارته.
  • إستراتيجية عمل هذه الشركة هي الدخول في السوق بإستعداد وسرعة والخروح من السوق بعد أن تربح أكثر مبلغ تقدر عليه.
  • لاحظ أنك بإشتراكك فإنك تدخل تحت راعي (أو رأس الشجرة) وهو فقط وسيطك. ولايوجد إيميلات رسمية أو مكاتب رسمية مسجلة للشركة في السعودية. وكل أعضاءها يستخدمون إيميلات بدون أن يذكروا أسماءهم. فمثلا تراهم تحت إسم صقور الدمام أو صقور جدة أو صقور الرياض. ألا يدعوكم هذا للحذر؟
  • الشركة لها فروع وحضور في مناسبات كثيرة وإجتماعات ومؤتمرات ودورات تدريبية حول العالم.
  • هنا ستقرأ شرح التسويق الهرمي في موسوعة ويكيبيديا.
التسويق العاطفي بأشكاله
يعرف التسويق العاطفي بأنه التخاطب مع الزبون وإقناعه بالمنتج عبر قوة الإثارة لعواطفه مثل عاطفة الرغبة في الثراء والغنى والحاجة للمال. الشركة لها مدربين وقادة يدربون على التسويق العاطفي و التنويم المغناطيسي والبيع المباشر حتى يتم التدريب والإنتشار سريعاً. يلاحظ التسويق العطفي في إستخدامهم لكلمات الحماس والتشجيع والتطوير للذات والماديات وإستخدام صور حماسية مثل صور المجموعات أو الرياضة ويستخدمون الموسيقي الحماسية والعبارات التشجيعية.

التلاعب والتغطي تحت أسماء وأنظمة مشروعة
لاحظت أن الشركة تستخدم أساليب توثيق مثل نشر أخبار رعاية المناسبات أو إنشاء مؤسسات المسؤولية الإجتماعية. كما تستخدم تقنيات متقدمة وأساليب في التجارة الألكترونية. ولا أستغرب أن تستخدم الشركة مصادرها في مسح المعلومات والمصادر والوثائق التي تدين الشركة بالإضافة إلى تحسين صورة الشركة ومؤسسيها بالكتابة والنشر في الأنترنت. فالملاحظ أنها كلما وقعت في ثغرة عادت للسوق بحل لهذا الثغرة. لاحظت ردود كثيرة ومتكررة ومسهبة تستخدم أساليب الإحتيال في تبرير والرد على الفتاوي الشرعية والتحليلات الإقتصادية.

الخلاصات والتوصيات “توقعات ودروس وملاحظات”:
  1. أتوقع أن الشركة ستخرج وتختفي بمجرد أن تصل إلى حد معين من الربح وتنكشف حقيقتها أو من كثرة الشكاوى المحلية من الناس.
  2. من أبرز صفات المسوقين والمنضمين لهذه الشركة أنهم مشبعين بأن المشائخ والناس لايفهمون معنى الشبكي ويملؤهم الكبرياء والعودة والتكرار بأن هناك فرق ويجهلون فهم سبب التحريم وهو ليس الشبكي أو الهرمي أو غيره بل بيع التغرير والقمار وجملتهم المشهورة ” إحنا ما نقول تعال إدفع فلوس وثنين يمين وثنين يسار ، إحنا نقول تعال غير حياتك”!!، “راح تدخل عالم الغني وتحقق أحلامك سيارة وبيت وزوجة وأموال”, “ياخي كويست نت مسوية مؤتمر في ماليزيا وتدريب من قالك إنها حرام؟” الخ.
  3. سيتسبب في الكثير من المشاكل بين العوائل واعضاء الشبكات وسيكون فيها الكثير من المساءلات القانونية.
  4. إحذر من تصديق أي كلام يقوله أصحاب الشبكة أو المسوقين أو الأشخاص بدون أن تعتمد على دليل مصدق أو مكتوب في مصدر موثوق كموقع حكومي موثق أو موقع إقتصادي موثق أو مصدر ديني معروف. للأسف أكثر الفتاوي المنسوبة لم أجد لها مصدر وإبحث في قوقل وسترى. فأكثر ماسمعت أو قرأت أنهم يزعمون بشكل عام مثل( كثير من المشائخ حلولها) ( تراها حلال مافيها شي) ( مسجله في هونج كونح وتغطي مباريات وأنشطة). شخصياً أعتقد أنها حيل وقد تكون الصور مفبركة.
  5. عند دفع أي مبلغ معين لأحد المسوقين فأحرص على أن تكتب عرضك من الدفع في ورقه وتوقع ويوقع المستلم حتى لاتقع في مشاكل قانونية في حالة إنسحاب الشركة.
  6. إذا أردت الإبتعاد عن الشبهات فلا أنصحك بالتفكير فيها. وإن أردت خوضها فأدرس الموضوع بحذر ولاتصدق كل مايقال من كلام عام.
  7. عند مقابلتك لأي من مسويقها فأطلب العرض مكتوبا على ورقة أو ملف حتى تتطلع على المشروع وتقيمه.
  8. إذا كنت وقعت في شبكة الشركة فإحذر من توريط أحد حتى لاتدخل في مساءلات قانونية وإن كنت قد أشركت أحد معك فبادر بالتنبيه والتحذير وحل المشكلة قبل تفاقمها.
  9. الشركة خبيرة ومحترفة جداً في التسويق المباشر والإحتيال. لاتستغرب إن وجدت إجابات وردود لكل إستفساراتك بأسلوب محترف. أو وجدت تعليقات وكلام مكرر في الأنترنت عن تساؤلات متكرروة.
  10. لاحظت أن الشركة لايوجد لها موقع عربي على الرغم من كثرة وجود أعضاءها في العالم العربي.
  11. لاتستغرب أن يكون أحد أفراد عائلتك أو ممن تثق فيهم قد إشترك بها. فأساليب ومظهر الشركة التجارية داعي للإقناع لدرجة كبيرة.
  12. الشركة تسعي لسد ثغراتها في كل دولة تعمل فيها من تغيير للمسميات أو إضافة عناصر لأسلوب البيع.
  13. إذا أردت الإستثمار بشكل عام فأنظر إلى أوراق الشركةا لرسمية في البلد فمثلا: هل كويست نت مصرح لها للعمل ولها سجل تجاري وأوراق مصدقة من السعودية؟ تأكد وإلا فالنظام لايحمي مغفلين.
  14. أنصح بنصح مسوقي هذه الشركة وتبليغ الجهات المختصة عنهم.

مصادر ومدونات مرتبطة:
روابط غير موثوقة للشركة وفتاوي مزيفة (لم أجد لها مصادر في مواقع رسمية سواء دينية أم حكومية):
مرسلة بواسطة في هناك تعليق واحد:

َQnet - طريقة أخرى للاحتيال و تدمير إقتصاديات الدول النامية - رجاء الاحتراس Qnet: Another Ponzi scheme to manipulate people

بسم الله الرحمن الرحيم

في البداية أحب إني أذكر إن العبدلله حاصل على ماجستير في الرياضة التطبيقية من جامعة كاليفوريا سنة 2009 يعني المناقشة اللي هعرضها هنا مبنية على دراسة مش بفتى و خلاص

اتصل بي أحد الاصدقاء اليوم ليخبرني عن تلك الطريقة المبتكرة لعمل مبالغ خرافية من الاموال عن طريق شراء منتج معين و محاولة إقناع شخصين على الاقل بفعل الشيء نفسه من خلال شركة تدعى كيو-نت و من أجل إقناعي بالفكرة أرسل لي ملفات تشرح الطريقة "المبتكرة" لإنقاذ العالم من الفقر و جعل الجميع أغنياء

بمجرد الاطلاع على التفاصيل اكتشفت إن هذه الطريقة ما هي إلا نوع جديد من طريقة النصب المستهلكة و المعروفة باسم "بونزي" و التي تعتمد بالاساس على البناء الهرمي للارباح .. بدون إطالة تخيل إنك على قمة هرم وتقف على كتف شخصين و كل منهم يفعل الشيء نفسه ... العلاقات بين الاشخاص المكونين لهذا الهرم تكون أسية

exponential

و لهذا السبب تضاعف الارقام سريعا فمثلا قمة الهرم (اللي فيها سيادتك) فيها شخص واحد بينما طبقة واحدة للأسفل يوجد بها 2 ثم 4 ثم 8 ثم 16 و هكذا حتى نجد إنه بعد 27 طبقة فقط يوجد 134,217,728 شخص أي ما يعادل أكثر من سكان مصر كلها

تستغل هذه الانظمة الاحتيالية تلك الخاصية في تقدير خيالي و غير حقيقي لارباح بعض العمليات المالية اللتي تتم داخل هذا الهرم - مثلا لو اشتريت منتج ب 600 دولار و بعدين الاتنين تحت منك عملوا نفس الشيء الشركة تديلك 50 دولار يبقى انت دخلك في السنة الرابعة هيوصل لمليون دولار أو أي هجص مماثل ... الكلام ده بمنتهى البساطة مش هيحصل للأسباب الاتية

أولا: الفكرة قديمة قوي و تم استخدامها مليون مرة قبل كده في الاحتيال على الناس و اللي عايز يقرا أكتر عن التفاصيل ممكن يلاقيها هنا

http://en.wikipedia.org/wiki/Pyramid_scheme

http://en.wikipedia.org/wiki/Ponzi_scheme

ثانيا: لتوفير الوقت على الناس اللي مبتحبش تقرا كتير - العملية كلها هتقف بسرعة جدا ففكرة حنفية الاموال المفتوحة دي مش مكتوبلها النجاح و عمرها قصير جدا لسبب بسيط و هو إن عدد الناس المنضمين للهرم بيكبر بمعدل هائل يعني لو سيادتك اللي بدأت اللعبة دي في مصر و كنت على قمة الهرم و بفرض إن كل المصريين هينضموا للعبةدي - الهرم بتاع مصر كلها هيكون مكون من أقل من 27 دور (23 دور تحتوي على أكتر من 8 مليون شخص) و الناس اللي في الدور اللي تحت (حوالي نص المصريين) مش هيلاقوا أي مصري جديد يضيفوه للهرم لان كل المصريين موجودين في الهرم بالفعل .. فالاربعين مليون شخص دول يستعوضوا ربنا في فلوسهم

ثالثا: بفرض إن سيادتك من المحظوظين اللي في الادوار اللي فوق و ده إحتمال صغير قوي لأن الادوار اللي فوق بتتشغل بسرعة جدا (1024 شخص فقط في العشر أدوار الاولى بنسبة 1:10,000 ) ممكن تعمل شوية فلوس في الاول لغاية الهرم ما يتملي ... بس خللي بالك الفلوس دي من دم الغلابة اللي تحت منك يعني في شبهة جامدة قوي إنها حرام بس دي تسئلوا فيها شيخ و يا ريت يكون دارس رياضة عشان هو كمان ما يفتيش و خلاص

رابعا: التأثير بالغ الضرر على إقتصاد الدول .. تعالوا نصدق إن العملية تسويقية بحتة (رغم إنها مش كده) العالم دي بتقنعك تشتري منتج (في الغالب أجنبي) من أجل الانضمام للهرم و سيادتك بتشتري مش عشان انت محتاج المنتج فعلا - سيادتك بتشتري المنتج عشان بتحلم بأرباح هائلة مش هتيجي أصلا .. طيب تعالوا نفرض إن ربع المصريين بس عملوا الحكاية دي لو متوسط سعر المنتج 300 دولار يبقى إحنا في فترة قصيرة جدا سحبنا 6 مليار دولار (أكتر من المعونة الأمريكية) من الاقتصاد المصري و بعتناهم للخارج بدون ما تعود علينا أو على إقتصادنا أي فايدة حقيقية ... الفلوس دي إحنا أولى بيها ... الكلام ده الدول المتقدمة حاربته من زمان بسن قوانين تجرم مثل هذه المعاملات .. بس للأسف بلادنا لسه مفتوحة على البحري لمثل هذه الانشطة المدمرة للإقتصاد

خامسا: بمنطق مين بس إن يكون دخل كل واحد فينا مليون دولار في السنة من غير ما يقابل ده زيادة في الانتاج العالمي .. لو ده حصل ساندوتش الفول هيكون بمائة الف دولار و الفلوس مش هيكون ليها أي قيمة

أخيرا .. كل واحد يتقي ربنا و يشوف شغله و ينتج على قد ما يقدر لو عايز يعيش كويس و الرزق ده بتاع ربنا

اللهم بلغت اللهم فاشهد - لو عايز تاخد أجر انشر النوت دي (وعلى فكرة هو ده الربح الأسي الوحيد اللي مفهوش نصب - بنفس الطريقة لو كل واحد نشر النوت دي لاتنين من صحابة مصر كلها هتتعرف على عملية النصب دي و تتجنب أخطارها في وقت قليل فحاول تكون من الادوار اللي فوق في الهرم عشان حساناتك تكتر:) - والله يضاعف لمن يشاء

ملحوطة أخيرة: تلقيت العديد من الرسائل في الفترة الاخيرة بخصوص الموضوع ده و فيها تعليقات جيدة للغاية .. بس صعب أرد عليهم لكثرة العدد ... برجاء أي حد عنده تعليق يا ريت يضيفه أسفل النوت عشان الناس كلها تستفيد

وجزاكم الله كل خير

محمد صلاح عبيدة
مرسلة بواسطة في ليست هناك تعليقات:

الي مدخلش كيونت .. مدخلش دنيا

كلنا طبعاً سمعنا عن التسويق الشبكي والشركات القائمة عليه أمثال GMI و شركة QNET العظيمة

وأنا أفتخر إني أحد المنتمين لكيان QNET العملاق ، وأحب أحكيلكوا ازاي انضميت لهذا الكيان الرائع

في يوم كنت في الكلية ولقيت مجموعة من أصدقائي متجمعين ، وواحد فيهم لابس سلسلة فيها قلادة ، وكان بيشرحلهم وظيفتها وبيخليهم يجربوها ، طبعاً رحت أشوف فيه إيه من باب الفضول !

سألته إيه يا عم البتاع دي ؟؟ انت لابس سلسلة .. اخص

قالي يا عم دي منتج طاقة اسمها Chi Pendant

قلتله ربنا يسامحك .. بتشتمني بالصيني :P

المهم خلاني أجربها وعمل لي الاختبار بتاع التوازن وقالي شيل بس موبايلك من جيبك دلوقتي ، وبالفعل جربتها وكنت مذهول من النتيجة :O

إزاي ده حصل ؟؟

دي قلادة مصنوعة من سبيكة من البلوتونيوم وزجاج معالج بالنانو تكنولوجي ودي بتمنع الإشعاعات الضارة وبتحسن وظائف الإيض ، وكلام من الي بنسمعه في ناشيونال جيوجرافي ^__^

بكام البتاع دي يا عم ؟؟

بـ 4500 جنيه تقريباً :S

إحم .. هيا حلوة وكل حاجة ، بس مش لدرجة 4500 جنيه ، أبويا مش شغال في البنك المركزي يا عم

قالي فاضي بس ساعة إلا ربع ؟؟

قلتله أكيد لأ إحنا في آخر التيرم وشغالين في مشروع التخرج ومفيش وقت للعب العيال ده يا عم ، قالي اسمع كلامي بس الموضوع يستاهل ، قلتله لا يا عم شكراً

بعدها بكام يوم قابلت واحد صاحبي تاني في كافيه ، ولقيته بيتكلم عن التسويق الشبكي بردوا مع كذا واحد ، فسمعت شوية كلام ولما لقيت الموضوع فيه حسابات وكده تملكني الفضول كمهندس ، لكن بردوا مقعدتش أسمع الموضوع منه

بعدها بأسبوع قابلت صاحبي الي شتمني بالصيني في الكلية ، وكنت في آخر اليوم ومروح ، قاللي طب تعالى بس نقعد نص ساعة أرسيك على الحوار ، قلتله ماشي يا عم مجتش على النص ساعة دي.

أول حاجة قالي فيه قواعد قبل ما نبدأ ، موبايلك سيلنت .. الأسئلة للآخر .. متتنحش عشان هنتكلم في أرقام كبيرة :O

شكل الموضوع كبير يا جدعان ، ماشي يا عم اتفضل.

في الأول سؤال بسيط .. ليه الناس بتستثمر ؟؟ ورصّلي 9 أسباب زي ( الدخل الإضافي – الحرية المالية – مساعدة الآخرين – التعرف على ناس جديدة - ... ) وقالي اختار الي يناسبك منهم ، اخترتهم كلهم تقريباً.

وبعدين عرفني إن الاستثمار في العالم ينقسم إلى : 97 % موظفين وأصحاب مشروعات صغيرة

و 3 % مستثمرين وأصحاب مشاريع كبيرة

وإنك عشان تتنقل من إنك موظف إلى مستثمر أو صاحب مشروع كبير محتاج 30- 50 سنة زي ساويرس مثلاً

قفلتها في وشنا يا عم .. منك لله :'(

قالي أنا بقى عندي حل ينقلك النقلة دي في 3 - 5 سنين :O :O :O

قول يا عم بسرعة .. وحياة أبوك .. والنبي يا حنفي والنبي

قالي إحنا شغالين في شركة اسمها QNET

قائمة على التسويق الشبكي ، وهيا إنك في البداية تشتري منتج وفي نفس الوقت تسوق منتجات الشركة للناس ، والناس الي هتجيبها تسوق هيا كمان .. وهكذا ، يعني باختصار بتعمل زي شبكة للتسويق انت الريس بتاعها ، ودي بتضمنلك إن الشغل مش بيقف أبداً.

أول حاجة جت في بالي ، هكسب كام يعني في الموضوع ده ؟؟

قال كل 6 بتجيبهم بتاخد عليهم 250 دولار ، وبتتحاسب كل أسبوع ، وكل ما تجيب أكتر .. فرصتك في الفوز تكبر

والشمعدان زي ما بتحبه .. بيحبك كمان وكمان

وقعد يحسبلي شوية حسابات رياضية توضح إنك ممكن تكسب مليون دولار في السنة لو اشتغلت ساعتين بس في اليوم في الموضوع ده ، وأنا ابتديت أفتح بقي .. وابتديت أريّل

دولارات يامّه .. دولاراااااااااات !

عايز أبقى معاكوا .. والنبي عايز أبقى معاكوا :'(

خدوا فلوسي .. خدوا مجوهراتي ، بس دخلوني معاكوا

وفجأة .. جالي هاجس في بالي .. أنا إيه الي يضمنّي إن الشركة دي مش نصابين ؟؟ -_^

قعد حكالي تاريخ الشركة المشرف ، وإنها كانت راعي رسمي في كاس العالم ، وفي الدوري البرازيلي ، وإن بيل جيتس اشترى شركتين تسويق شبكي ، والي يتكسف من بنت عمه ميشتريش منها خضار ، وحاجات كتير ملهاش أي مصدر

بس الواحد كانت عنيه منورة دولارات $_$ وعنده استعداد يصدق أي حاجة !

طيب يا عم ازاي أكون معاكوا ؟؟

قالي أول حاجة تشتري منتج ، بكام يا عم المنتج ده ؟؟

قالي أرخص حاجة الـ Chi Pendant

بتشتم تاني :@ :@

هستحملك بس عشان الدولارات $_$

امممم .. طيب مفيش حاجة أرخص شوية ، كتير أوي 4500 جنيه دول

قالي لأ دي أرخص حاجة ، واعتبر نفسك داخل مشروع جديد وده رأس المال ، قلت نظرية بردوا

طيب اديني فرصة على ما أتصرف في المبلغ وكده ، قالي لأ مينفعش يا عم ، الشوية الي هتتأخرهم دول هيكون دخل حد قبلك.

طب وإيه المشكلة يا عم .. هيا الشركة هتقفل يعني ؟؟

قالي لأ فيه حاجة اسمها Cost of Delay

يعني لو حد دخل قبلي ، أنا هبقى تحته في الشبكة ، وبالتالي كل الشغل الي أنا هعمله هو هيكسب منهده كده الواحد لازم ياخد قرار بسرعة ويسجل على طول :O

امممم .. طيب يا عم اديني فرصة بس أقول لأبويا وأشوف رأيه كده

روّحت البيت وأنا بحلم بالـ BMW

الي هجيبها السنة الجاية ، والفيلا الي هشتريها في كفر الشيخ ، والله ولعبت معاك يا عبدوووو

روحت كلمت والدي في الموضوع ، وطبعاً هو عنده ثقة عمياء فيا ، قالي اسأل بس الموضوع حلال ولا حرام ، قلتله ماشي هشوف على النت ، أكيد حلال يعني ، الموضوع مفهوش أي حاجة غلط ، ولا خمرا ولا قمار.

دخلت على النت ودورت على فتاوي في الموضوع ، لقيت كل الفتاوي بتقول حرام .. حرام .. حرام

إيه الفصلان ده :S

إيه الي حرام يا جدعان ؟؟ أنا راجل عارف كويس في الدين ومش شايف فيه حاجة حرام ، وعملت فيها ابن تيمية

بعت لصاحبي الي كلمني في الموضوع ، بعتلي فتوي يتيمة لدار الإفتاء المصرية ، وفيديو من على اليوتيوب 30 ثانية ملوش أي علاقة بالموضوع.

بس اتعلقت بالفتوى بتاعة دار الإفتاء المصرية ، الي عمري أصلاً ما خدت منهم فتوى

وصليت استخارة ، وارتحت للموضوع ، ورحت خدت الـ 4500 بلبل من أبويا ، وقلتله دول سَلف ، وهرجعهملك على أول الشهر الجاي بالكتير وفوقهم بوسة كمان.

كلمت الراجل وقلتله أنا جاهز بالفلوس ، قالي خلاص نتقابل بكرة في الكلية ونخلص العملية.

اتقابلنا تاني يوم وخلصنا العملية ، وقالي قبل أي حاجة لازم تاخد تدريب عن التسويق عشان تبقى محترف ، قلتله قشطة ، نبدأ امتى ؟؟

قال زي ما تحب ، قلتله خلاص الجمعة الجاية عندي في البيت ، نخلص التدريب كله على مرة واحدة.

وأخدت التدريب بالكامل في يوم واحدة ، وكنت مركز جداً وواخد الموضوع جدّ أوي ، والصراحة ، تدريب احترافي جداً جداً جداً جداً

تدريب احترافي على الخداع !

أيوة تدريب احترافي على الخداع وإقناع الآخرين مهما كانت معتقداتهم أو آرائهم.

من أول لحظة في التدريب شعرت بعدم الارتياح

حسيت إن الموضوع زي تدريب على مؤامرة ، وازاي تلبس الزبون العمّة ، وتجاوب على كل الهواجس الي عنده بإجابات نموذجية

وكل الإجابات دي بتلعب على نوازع الخير عند البشر

زي حقق أحلامك .. ساعد الآخرين .. ساعد اقتصاد بلدك .. عبر مين قدّك

ولما شفت الفيديوهات بتاعة الشركة ، حسيت إن الي عاملينها دول تجار مخدرات أو تجار سلاح ، زي الي بيطلعوا في أفلام جاكي شان ، وشكلهم مريب ومش مريح خالص

بس بردوا كملت التدريب ، دول 4500 جنيه اتدفعوا خلاص

بعدها بكام يوم عملت أول Presentation

جماعي ليا ، وحضره حوالي 15 واحد ، والناس طبعاً اقتنعت وفتحت بقها كالعادة ، لكن في

نص الشرح ، لقيت حد من الي كانوا حاضرين استأذن يمشي واداني ورقة في إيدي

لقيت مكتوب فيها إن التسويق الشبكي حرام وكده ، فطلعت اتكلمت مع الشخص ده ، وقال إنه سأل من فترة كويس في الموضوع

ده وعرف إنه حرام ، قلتله ليه ، قالي مش فاكر دلوقتي بس ممكن يجيبلي الدلائل.

طبعاً الكلام مكنش مقنع لأنه بدون أدلة ، لكن أنا من جوايا خلاص مبقتش مستريح خالص

روحت البيت ودورت في الموضوع تاني وتالت ، ومش عارف أوصل لقرار ، صليت استخارة مرة تانية ، مفيش فايدة

صليت مرة تالتة ، لقيت نفسي اتقفلت من الموضوع تماماً

حسيت إن ده اختبار من ربنا في فتنة المال ، هل هنجح فيه ولا لأ ؟

وعشان الاختبار يبقى أصعب ، كنت مستريح ومقتنع بالموضوع في الأول على الرغم من إني صليت استخارة

قلت لأ يا رب .. أنا هسيب أي حاجة في الدنيا فيها شبهة عشانك يا رب !

وحتى لو الموضوع ممكن يكون حلال

افتكرت إن الصحابة كانوا بيسيبوا تسع أعشار الحلال مخافة الوقوع في الحرام

والرزق ده بإيد ربنا .. قادر يرزقني ملايين الدنيا والآخرة وبالحلال 100 %

والفلوس لو جت بالطريقة السهلة دي مش هيبقى ليها طعم ولا قيمة

أنا كنت وصلت لمرحلة إني بقيت حاسس إن الهندسة الي أنا فيها دي ملهاش لازمةمانا هجيب كل الفلوس الي أنا عايزها وأنا حاطط رجل على رجل وابتديت أنسى كل أحلامي العلمية الي نفسي أحققها وأسيبها للبشريةوياما ناس كتير سابت شغلها الأساسي عشان تشتغل في QNETلما تيجي بعد عمر طويل تموت هل هتبقى حاسس إنك حققت حاجة في حياتك ؟؟

أنا حبيت أحكي قصتي يمكن حد يستفيد منها ، وأتمنى كل واحد فينا قبل أي حاجة يفكر كويس ، ويسأل كويس أوي ، عشان ميتدبسش زيي

ولو خدتوا بالكوا إن الشركة بتلعب على نقطة Cost of Delay

عشان لو خدت وقتك وفكرت بالراحة ، مستحيل تدخل في حاجة كلها شبهات زي الموضوع ده

، وخلي الحلال والحرام هو مقياس أي حاجة بتعلها في حياتك ، تغور الدنيا بالي فيها لو ربك مش راضي عنك.

واللنك ده للي حابب يعرف عن الخداع الي في الموضوع أكتر

http://dros-hayah.blogspot.com/2010/09/qnet.html

ودلوقتي أنا مديون بـ 4500 جنيه لأبويا ومش بعيد يرفع عليا قضية في محكمة الأسرة :D

تَبـــَــــرّعُـــــــــوا !
مرسلة بواسطة في ليست هناك تعليقات:
الاشتراك في: الرسائل (Atom)